اذرفي دمعتك دم ..

هاتي عيوني واذرفي دمعتك دم..

وش عاد حتى لو يطول غيابي؟!

ماكان لي صاحب ولا لي ولد عم..

ولكن لي خلن غرامه عثابي.

وياقلبي اصبر ولا تشكي من الهم..

مامن جديد ولو تجدد صوابي.

قدامك احزانك تجرع من الجم..

جم المراير وسط فيضة عذابي.

واليارويت الهم يبقى لك الغم..

للحين توك ماكمل لك انصابي.

خل الزمن يسقيك مع علقمه سم..

وانا على هقوتك والله ماهابي.

متعودن حظي على الصايبه(زم)..

مره يصبح بي ومره سرابي.

امشي على كيفه ولا قلت له (بم)..

لكنه المقرود مال وغدابي.

الله خلق دنيا تلم البشر لم..

والله خلق موت للامه ذهابي.

والظاهر اني ضعت لا كيفن ولا كم..

تناقصت واليوم خلص زهابي.

واصبحت في يمن والاصحاب في يم..

نجيت ولا رحت ماحدن درابي.

والرفقه اللي مالها بالوفا ضم..

تصبح سؤال مالقى له جوابي.

مانيب قايل:هجر الاصحاب ماهم..

لاوالله..الا هز حضرة جنابي