بعد المسافه

موضوع: بعد المسافه الأحد يونيو 21, 2009 1:55 pm

ليه تقطع حبـال الوصـل والاتصـال
وانت تعرف غلاك اللي ملـك للخفـوق

ما دريت إن نسيانك لفكـري محـال ؟
وإن قلبي معك والروح يمـك تتـوق ؟

قلت ظرفك صعيب ولكن الظرف طـال
وكل ما قلت عذرك قلت طبعا صـدوق

اعتذر عنـك لـي واقـول يمكـن دلال
واقبل العذر , وانسى اقول هات الحقوق

لكـن الصـد بيّـن ياشبيـه الغـزال
واضح الصد كنه شمس وقت الشـروق

وجيت عنك اسألك من غير كلمة تعـال
كنت اضنك على وصل المودة شفـوق

واثر وقت الفـراغ بماضيـات الليـال
الهمك تعطي عهودك وتنقـض وثـوق

لكن العهـد باقـي والوفـاء يستحـال
رغم صدك وهجرك للمضاميـن ابـوق

باقيه ذكرياتـي معـك شـوق وجـدال
كل لحظة قضيناها سواء تزود شـوق

كم سهرنا وأخذنا فـي سمـاه الخَيَـال
وكم من اشواق بلّت في سهرنا العروق

رغم بُعد المسافـه للجنـوب وشمـال
اللقاء فوق هام السحب رعـد وبـروق

والعتـب يـوم للعـذال تتـرك مجـال
لكن أهدي سلامي لك بلحـن الطـروق

منقوووله